من نوادر جحا

في يوم من الايام كان فلاح مصري معاه شوال وكان الشوال تقيل عليه....ف لقي واحد بلدياته جاي عليه فقاله:يا اخينا ممكن تساعدني وتشيل معايا الشوال ده
راح اخينا قايله:وتديني كام؟
فالفلاح قاله:ولا حاجة
ف اخينا قاله ماشي...وشال معاه الشوال لغاية بيت الفلاح
وبعدين راح اخينا قال للفلاح:اديني اجري
فالفلاح قاله:اجرك؟...انت ملكش عندي حاجة
فاخينا قاله:انت قولتلي انك هتديني ولا حاجة...وانا عاوز الولا حاجة بتاعتي
راح الفلاح قاله:ملكش عندي حاجة ومش هديلك حاجة
فاخينا قاله يبقي نروح للحاكم جحا وهو اللي يحكم بنا
وراحو هما الاتنين لجحا عشان يحكم بنهم وكل واحد ياخد حقه
وقال جحا:ايه الموضوع يا فلاح انت وهو؟
ف رد اخينا وقال:الفلاح ده طلب مني اني اساعده انه يشال الشوال وقالي هديلك ولا حاجة,وبعد ما وصلته قالي ملكش عندي حاجة,وانا عايز الولا حاجة بتاعتي
فقاله جحا:شايف السجادة اللي هناك دي...روح ارفعها وخد اللي تحتها
ف راح اخينا وشال السجادة فملقاش حاجة
فقاله جحا:ها...اخدت ايه؟
ف رد اخينا وقال:ولا حاجة
قاله اديك اخدت الولا حاجة بتاعتك